Samhini 2M

Samhini 2m 1368 Arab

حلقة اليوم الثلاثاء 1368 من مسلسل سامحيني مترجم على 2M samhini










#ملخص_الأسبوع_المقبل جد شيق !!! 😱😱
#inédit!!! Résumé de la semaine prochaine.
ـ معتز على وشك قتل منار لكن سرين غاتوصل، معتز غايدفع سرين و يهرد، شاهين غايحاول يشدو لكنه ماغاينجحش. الشرطة غاتطلق سراح أمير و غايمشي للمستشفى. منار خاصها ضروري شي واحد يتبرع لها بالكلية باش تعيش. سرين قررت تعطي كليتها لبنتها لكن الطبيب كايحاول يمنعها و يقولها أنهم من الأفضل يلقاو متبرع آخر حيت العملية خطيرة على سرين و تقدر تموت فها. أمير غايوصل و يسمع الحديث كامل لي دار بين سرين و الطبيب و يقرر هو لي يدير العملية و يتبرع بكليته لمنار.
ـ أمير غايعرف فين مخبي معتز و غايمشي عندو و يشدو و يهددو بالسلاح ثم غاوسلموا للشرطة. سرين كاتستعد للعملية و غاتكتب رسالة وداع حيت خايفة لاتموت و تخليها عند نديرة و تقولها تعطيها لولادها من مور العملية. أمير غايعرف أن سرين دخلات لغرفة العمليات و غايمشي بسرعة للمستشفى و يقول للطبيب أنه هو لي غايتبرع بالكلية ديالو لأخته لكن حتى واحد ماخاصو يعرف بهادشي. نديرة غاتقرا رسالة سرين و تمشي كاتجري للمستشفى باش تمنعها دير العملية لكن فات الأوان سرين دخلات لغرفة العمليات، نديرة غاتقول لسحر و شاهين عن رسالة سرين و غايبقاو يغوتو داخل المستشفى باش الأطباء يخرجوا سرين من العملية.
ـ أمير غايتافق مع غالب و الطبيب باش يوهمو عائلة منار أن غالب هو لي غايتبرع بالكلية ديالو لمنار. الأطباء غايخرجوا سرين من الغرفة و يقولو لها أنهم لقاو متبرع آخر، منين غاتخرج غاتشوف أمير و تهجم عليه و تقوله أن كل هاد المصائب بسببه و تطلب منو يخرج من حياتهم، أمير غايعنق سرين و يقولها سمحي ليا و ماعمرك ماغاتعاودو تشوفوني، سرين غاتأثر بزاف منين غايقولها أمير هاد الكلام. أمير غايدخل لغرفة العمليات و يقوم بالمعلية بينما كلشي كايظن أن غالب هو لي كايقوم بها. بعد فترة الطبيب غايعلم عائلة منار أن المعملية مرة بسلام. الكل سعيد و منار بدات كاتسترجع وعيها و غاتسول سرين على أمير و تعاود لها كيفاش عتقها من الموت و وصلها للمستشفى. سرين غاتصدم و تندم على داكشي لي قالت لأمير. في تلك الأثناء غالب غيكون خدا أمير للدار و معه الطبيب لكن حالة أمير سيئة لأنه من مور العملية ماسترجعش الوعي ديالو. س رين غاتمشي تقلب عليه في منزل غالب باش تطلب منه السماح لكن غالب ماغايحلش لها الباب باش ماتعرفش أن أمير هو لي قام بالعملية. سرين غاتبقا تهضر بجهد و تقول لأمير يسمح لها. أمير منين غايسمع صوت سرين غايفتح عينيه.
ـ ماهر من بعد ما عاودات له نارمان و سحر كل مايتعلق بحنان، غايقرر أنه يبدا يتعامل مع حنان بطريقة جيدة باش ماتشك فوالو لكن نزار غايشوف ماهر معنق سحر قدام المحل و يصورهم و يسيفط الصورة لحنان و يقولها أنهم كايظحكوا عليها و متافقين عليها. حنان غاتقرر تاخد ولدها من المستشفى قبل مايديرو له التحاليل و تهرب مع نزار. نارمان غاتحصلها قدام باب المستشفى و تبغي تمنعها لكن حنان غاتدفعها بقوة و تركب فطاكسي مع ولدها و تهرب عند نزار. ماهر غايوصل و نارمان غاتقوله شنو وقع. حنان غاتمشي عند نزار للفندق لكنها غاتصدم منين غايجيب لها ملابس جريئة و يجبرها تلبسهم و تبيع نفسها مقابل المال، نزار غايعامل حنان كالحشرة و هي ماموافقاش على هادشي. ماهر غايعرف الفندق فين مشات حنان في تلك الأثناء هذه الأخيرة غاتقرر تهرب هي و ولدها مجددا من نزار و غاتضربو على راسو و تخرج من الغرفة مسرعة لكنها غاتصادف ماهر
فالدروج و غاتهرب منو لكنه غايتمكن من اللحاق بها و غايشدها في الشارع و غايضربها و ياخد لها الولد بالقوة… حنان ستفقد الوعي و ماهر سيظطر لأخدها معه إلى البيت. ماهر و نارمان غايطلبو تفسيرات من حنان و يشتموها و يقولولها أنه في جميع الأحوال قريب يعرفو الحقيقة من بعد ماغايديرو تحاليل الحمض النووي للطفل. حنان جد متوثرة.
ـ عائلة كوزان غايوجدو عيد ميلاد مفاجئ لسناء الشيء لي غايفرحها، سناء غاتقرر تبحث في موضوع أريج و عثمان و غاتمشي لمنزل أريج و غاتلقا منوم في غرفتها لكن أريج غاتوصل و تضرب سناء على رأسها و تفقد الوعي. من بعد سناء غاتسترجع وعيها و تقول لأريج أنها عرفات كلشي و أنها دارت فخ لعثمان باش تفرقو على زهرة في تلك اللحظة مراد غايوصل و يسمع كلشي و يبهدل أريج مزيان.
ـ باتول تستمر في تحريض لميس على فريدة خصوصا من بدع ما شرا لها يمن منزل جديد. يوم خطوبة وليد و لميس وصل، يمن جد غاضب و غايطلب من أحمد يمنع هذه الخطوبة لكن دون جدوى لأن لميس مقتنعة بقرارها. الخطوبة ستتم نحظور والدي وليد و كذلك يمن و فريدة، و من بعد إنتهاء مراسيم الخطوبة فريدة ستفقد وعيها وسط الجميع !! ستنقل إلى المستشفى و من بعد التحاليل غاتعرف أنها حاملة !!

#تشويق: سرين غاتسامح مع أمير ؟ واش غاتعرف أنه ولدها الحقيقي ؟ تنائج الحمض النووي ديال طفل حنان غايخرجوا سلبيين أم إيجابيين ؟ سحر غاترجع مع ماهر أم أن أنيس غايقنعها تزوج به ؟ وليد و لميس غايتزوجو ؟ شنو غايوقع لفريدة من بعد خبر حملها ؟؟